Бүгін, 10 тамызда UEFA Конференция лигасы үшінші іріктеу сатысында қарағандылық «Шахтер» командасы Украинаның «Колос» командасымен қарымта ойын өткізеді, деп хабарлайды ҚазАқпарат тілшісі.
Айта кетсек, екі клуб арасындағы алғашқы кездесуде 0:0 есебімен аяқталды.
Бүгінгі кездесуге түркиялық Халис Озкахья төрешілік жасайды. Оған отандастары Ибрахим Чаглар пен Али Сайгын Огель көмекшілік етеді. Қосалқы төреші де - түркиялық Хюсейин Гечек.
«Колос» командасы 2012 жылы құрылған. 2018/19 жылы Украина біріншілігінде күміс жүлдегер болды. Былтыр төртінші орынға тұрақтады. Украиналық клуб бірден Конференция кубогы үшінші іріктеу сатысына жолдама алды.
Ал «Шахтер» екінші іріктеу сатысында Румынияның ФКСБ ( бұрынғы атауы «Стяуа») клубын (0:1, 2:1, пенальтиден 5:3) жеңді.
Кездесу елорда уақытымен 20:00-де басталып, «Qazsport» телеарнасынан тікелей эфирде көрсетіледі.
Сондай-ақ, қазақстандық клубтар қатарынан Алматының «Қайраты» Еуропа лигасында, елордалық «Астана» мен қостанайлық «Тобыл» Конференция лигасында сынға түсуде.
inform.kz
